ఓదార్పు

మునుపటి కన్నా చేదుగా వచ్చిన

ఈ గ్రీషం కూడా నాకు తోడు లేకుండాపోయింది!

శరదృతువులోని ప్రతీ చినుకు నను తడుపుతూ

నా కన్నీరుని తుడుస్తుంది కాని, ఏ గాలీ

నను చేరదేం!! అయినా, ఆ నింగిలో ఎన్ని

మబ్బులున్నా, ఏ మేఘము నను ఓదార్చదెందుకని!

మండే ఎండకి, పడే వానకి, వీచే గాలికి -

వెలుగుని కమ్మే నిశికి, వేకువఝాము మౌనానికి -

అన్నిటికి తెలుసు. నేను ఎవరితోను ఏది పంచుకోనని!

అయినా, ఎందుకనో ఒక్కోసారి ఆరాటపడతాను.

'ఎవరన్నా నా మౌనానికి సాక్షి గావాలని'!