ప్రేమికుల రోజు

కలల తివాచి ఇంకా మడవనే లేదు

నీ జ్ఙ్యాపకాలు ఇంకా మరుగున పడలేదు

నా మదిలో నీ మోము ఇంకా మసక బారలేదు

చెదిరిన గూడువైపు దారి మళ్ళిస్తూ

ప్రేమికుల రోజు పరిగెత్తుకొచ్చింది నా కడకు!

చెమర్చిన కనులలో నీరు నింపుతు

నీ పెదవిపై నా పేరు నిలుపుకొంటు

మనకు కలిగిన గాయం గుర్తు చేసుకొంటు

చెదిరిన ఆశలవైపు వేలు చూపిస్తూ

ప్రేమికుల రోజు పరిగెత్తుకొచ్చింది నీ కడకు!!

నీ ఏడబాటు నాకు అమూల్యమైనదని నీకు తెలుసా?

నా కనుల ముందు నువ్వు మెదిలే ప్రతీ సారి అది

నా మనశ్శాంతిని భగ్నం చేస్తుంది, అయినా

నిను తలుస్తు కాలానికి ఎదురీదడం నేర్పుతుంది!

బాధనిండిన రాత్రులలో ఒంటరిగా

చెరో ధ్రువం వైపు తడవడం ఎందుకు?

పిలిస్తే నీ కోసం దేనిని లెక్క చేయని

నాకోసం నువ్వు ఒక్కసారైనా వచ్చేయలేవా ??

ఈ ప్రేమికుల రోజు కలిసి జరుపుకొందాము!!