Showing posts with label kavita. Show all posts
Showing posts with label kavita. Show all posts

Sunday, November 23, 2008

తరగని విరహం

నా కళ్ళ ముందర చెదిరిపోని నీ రూపం
ఈ చిన్ని గుండెలో రేపిన అలజడి ఎంతో తెలుసా?
వెన్నెల నీడలో ఆవిరైన కన్నీళ్ళు, మేఘమై
వర్షినట్టుగా, మనసు నిండా ఒరిగాయి.
కాలమెంత గడిచినా నీ స్మ్రుతులన్నీ వెన్నంటే
నిలవగా, నెమరేసుకుంటూ నే అల్లినా గీతాలు ఎన్నో!
అయినా -
ఎంత కవిత్వం రాసినా ఈ విరహం తరగదెందుకో!!

Tuesday, November 18, 2008

నువ్వు - నేను

అక్కడెక్కడో నువ్వు
ఒంటరిగా నేను
మదిలో మెదులుతావు నువ్వు
నీకోసం ఆరాటపడతాను నేను
వెచ్చని తలపువై మండిస్తావు నువ్వు
అమర ప్రేమనై వర్షిస్తాను నేను
గాలివై వచ్చి కదిలిస్తావు నువ్వు
అలుపెరుగక ప్రవహిస్తాను నేను
సౌందర్యం నింపుకున్న సాగరం నువ్వు
ఆనందం పొందుతున్న తరంగం నేను
నా కవిత సృష్టించిన ప్రకృతి నువ్వు
తన్మయత్వం నిండిన ప్రణయంతో నేను
అక్కడెక్కడో నువ్వు
కలుస్తామన్న ఆశతో నేను