అక్కడెక్కడో నువ్వు
ఒంటరిగా నేను
మదిలో మెదులుతావు నువ్వు
నీకోసం ఆరాటపడతాను నేను
వెచ్చని తలపువై మండిస్తావు నువ్వు
అమర ప్రేమనై వర్షిస్తాను నేను
గాలివై వచ్చి కదిలిస్తావు నువ్వు
అలుపెరుగక ప్రవహిస్తాను నేను
సౌందర్యం నింపుకున్న సాగరం నువ్వు
ఆనందం పొందుతున్న తరంగం నేను
నా కవిత సృష్టించిన ప్రకృతి నువ్వు
తన్మయత్వం నిండిన ప్రణయంతో నేను
అక్కడెక్కడో నువ్వు
కలుస్తామన్న ఆశతో నేను
